August 8 ရက်နေ့မှာ ဗီယက်နမ်ပြည်တွင်းထုတ် ကိုဗစ်ကာကွယ်ဆေးဟာ စမ်းသပ်မှု ၉၀ ရာနှုန်းနီးပါးထိရောက်ရှိနေပြီလို့ ဒေသတွင်းသတင်းတွေမှာ ဖော်ပြပါတယ်။ August ၁၅ ရက်နေ့မတိုင်ခင်မှာ လူပေါင်း ၁၃၀၀ဝ ကို စမ်းသပ်ထိုးနှံမှု ပြုလုပ်သွားမှာလို့လည်း ပြောပါတယ်။ လတ်တလောမှာတော့ အရေးအပေါ်အခြေအနေအအသုံးပြုရမဲ့ဆေးအဖြစ် အစိုးရကို ခွင့်တောင်းထားကြောင်းသိရပါတယ်။ Nanocovax ဟာ ခွင့်ပြုလိုင်စင်ရခဲ့ရင် အရှေ့တောင်အာရှမှာ ဗီယက်နမ်ဟာ ပထမဆုံးကာကွယ်ဆေး ထုတ်လုပ်တဲ့ နိုင်ငံအဖြစ် မှတ်တမ်းဝင်မှာ ဖြစ်ပါတယ်။ ထိုင်းနိုင်ငံဟာလဲ ကိုဗစ်ကာကွယ်ဆေး ၂ မျိုးကို စမ်းသပ်ထုတ်လုပ်ဖို့ ကြိုးစားနေကြောင်းသိရပါတယ်။
ဗီယက်နမ်ဟာ Nanocovax ကို စမ်းသပ်တဲ့နေရာမှာ အမေရိကန်ဒေါ်လာ ၂၁ သန်းကို အသုံးပြုထားပါတယ်။ ဗီယက်နမ်ဟာ တနှစ်ကို အလုံးရေ ၁၀သန်း ထုတ်လုပ်နိုင်မှာ ဖြစ်ပြီး ကြီးမားတဲ့ ငွေကြေးအထောက်အပံ့တွေရခဲ့ရင် တနှစ်ကို အလုံးရေ သန်း ၅ ဝ ထုတ်လုပ်နိုင်မှာဖြစ်ကြောင်း တာဝန်ရှိသူတွေက ပြောပါတယ်။
ဗီယက်နမ်ဟာ အစောပိုင်းက အက်စတာဇင်းနစ်ကား ကာကွယ်ဆေးတွေကို ဝယ်ယူပြီး ကျန်းမာရေးဝန်ထမ်းတွေကို ထိုးပေးခဲ့ပါတယ်။ နောက်ပိုင်းမှာ တရုတ်ရဲ့ကာကွယ်ဆေးတွေကို နိုင်ငံတွင်းအသုံးပြုခွင့်ပေးခဲ့ပါတယ်။ ဒါပေမဲ့လည်း ဗီယက်နမ်အနေနဲ့ တရုတ်ဆေးကို ရေရှည်သုံးစွဲဖို့နဲ့ ပမာဏများများမှာယူဖို့ အစီအစဥ်မရှိကြောင်း ပြောခဲ့ပါတယ်။ ကာကွယ်ဆေးအကြောင်းပြပြီး တရုတ်ရဲ့ သြဇာဟာ ဗီယက်နမ်အပေါ် သက်ရောက်မှုရှိလာမှာ စိုးရိမ်နေပါတယ်။
အဓိကအားဖြင့် ဆင်းရဲတဲ့နိုင်ငံတွေကို ဖြန့်ဝေပေးမှာ ဖြစ်ပြီး တစ်လုံးကို ၅ ဒေါ်လာနဲ့ ၆ ဒေါ်လာကြားရောင်းချပေးဖို့ရှိတယ်ဆိုပါတယ်။ ဗီယက်နမ်မှာ လူဦးရေ သန်း ၁၀၀ နီးပါးရှိတဲ့အတွက် လိုအပ်တဲ့နိုင်ငံတွေကို ဆေးလုံးရေ ထုတ်မပေးပဲ နည်းပညာဖြန့်ဝေပေးဖို့ စိတ်ကူးရှိကြောင်း ပြောကြားထားပါတယ်။ ပြဿနာကတော့ နည်းပညာရတဲ့နိုင်ငံတွေဟာ ထုတ်နိုင်မထုတ်နိုင်ရှိနေပါတယ်။ မြန်မာ၊ ဘင်္ဂလားဒေ့ရှ်နဲ့ မိုဇမ်ဘစ်တို့ဟာ ဗီယက်နမ်ရဲ့ ကာကွယ်ဆေးကို စိတ်ဝင်စားမှုရှိနေကြောင်း ဖေဖော်ဝါရီလက သတင်းထဲမှာ ဖော်ပြထားပါတယ်။
ဖေဖော်ဝါရီလက လူဦးရေ ၅၆၀ ကို ဒုတိယအကြိမ်အဖြစ် ဟနွိုင်းနဲ့ ဟိုချီမင်းတို့မှာ စမ်းသပ်ခဲ့ပါတယ်။
ဆင်းရဲတဲ့နိုင်ငံတွေမှာ လူဦးရေရဲ့ ၅ ရာခိုင်နှုန်းအောက်သာ ကာကွယ်ဆေး ထိုးနှံ့ရသေးပေမဲ့ ချမ်းသာတဲ့နိုင်ငံတွေဟာ ကာကွယ်ဆေး မျှဝေပေးခြင်းမရှိတဲ့အတွက် WHO က ကာကွယ်ဆေးထိုးတာကို သြဂုတ်လကုန်ထိ ရပ်တန့်ပေးထားဖို့ တောင်းဆိုထားတာလဲရှိပါတယ်။
Reference.
https://www.nst.com.my/world/region/2021/08/716149/vietnams-covid-19-vaccine-nanocovax-almost-ready